نوحه سینه زنی محرم
چکیب قاره، آسمانه فلک
ساکنان-ی-فلک، نوحه خوان اولدی
سماواته، ناله سالدێ طنین
قلبی فاطمه‌نین، لخته قان اولدی
بو ماتمده، یاندێ قلب-ی-نبی
نازدانه‌سی بی آشیان اولدی
آچیب باشین، یکسر اهل-ی-سما
خمسة‌النّجبا، یاسی باشلاندێ
یا حسین مظلوم (2)
معابرده، صف چکنلره باخ
سینه‌زنلره باخ، سینه داغلیرلار
دوشوب شیعه، بحر-ی-درد-وْ-غمه
مسجیدده علمه، قارا باغلیلار
سالیب یاده، فاطمه بالاسین
قلبینین یاراسین، باهم آغلیلار
دئییر زهرا، جان یارالی بالا
شاه-ی-مُلک-ی-ولاء، یاسی باشلاندێ
یا حسین مظلوم (2)
وورور باشه، عاشقان-ی-علی
شیعیان-ی-علی، بو مصیبتده
علی سسلیر، سیندی بال-وْ-پریم
اوْدلانیب جیگه‌ریم، باد-ی-محنتده
چیخیب عرشه، سوز-ی-آه-ی-حسین
خئیمه‌گاه-ی-حسین، یاندێ غارتده
امان ای دل، ائیله آه-وْ-نوا
چون ولیّ-ی-خدا، یاسی باشلاندێ
یا حسین مظلوم (2)
بو آیدا هر، کیم نوایه گله
آه و وایه گله، خوار-وْ-زار اوْلماز
قیامتده، ائعتیباره چاتار
ایفتیخاره چاتار، اشگبار اوْلماز
اؤلن وقته، ساغ-سوْلا دوْلانیب
ناری هیجره یانیب، اینتظار اوْلماز
گؤزۆم آغلا، یاری ائیله ریضا
چون شفیع-ی-جزا، یاسی باشلاندێ
یا حسین مظلوم (2)
بو گؤز یاشی، متّصل اله‌نیر
گؤزده جیلوه‌له‌نیر، شام-ی-عاشورا
گلیر یاده، غصه خاطیره‌سی
خئیمه منظره‌سی، قوْرخلی صحراسی
«رباب» آغلور، گؤزده خون-ی-جیگه‌ر
غشّ ائدیب سود ام‌ر، آه-وْ-واوئیلا
دئییر الله، جان وئریر بو بالا
قالدێ حالدان حالا، یاسی باشلاندێ
یا حسین مظلوم (2)
گئجه گئچدی، اسدی باد-ی-خزان
مادر-ی-نیگه‌ران، گلدی افغانه
آچیب بیرده، ماهی-پاره‌سینی
شیرخواره‌سینی، وئردی سلطانه
اوغول گئتدی، شوق-ی-وصلت‌ایله
تیر-ی-محنت‌ایله، باتدێ القانه
کماندان اوْخ، آتدێ «حرمله» تا
طفل-ی-ماه لقا، یاسی باشلاندێ
یا حسین مظلوم (2)
حسین آلدێ، باغرینا بالانی
آتدێ عرشه قانی، گؤیلر آغلاشدێ
ائدیب تأثیر، عرشیانه غمی
خئیمه‌ده حرم-ی-حیدر آغلاشدێ
دئدی لای-لای، ای یارالی بالا
سس چکیب اوْ حالا، لئشگه‌ر آغلاشدێ
آتاسیندان، قوْوزانیب بوندا
بانگی وا ولدا، یاسی باشلاندێ
یا حسین مظلوم (2)
ال اوزز قانلی، گلدی خئیمه‌لره
تا ربابه وئره، اوخلی قربانی
خانیم زینب، چیخدی تئز قاباغا
عرض ائدیبدی آقا، پوْزما زهرانی
حسین قلبیم، سن کباب ائلمه
گؤز یاشون اله‌مه، سن آنام جانی
دئییم گئیسین، بس قاراسێن آنا
اوغلو باتدێ قانا، یاسی باشلاندێ
یا حسین مظلوم (2)
( شعر از استاد کلامی )
